![~®§§][][ شبكه منتديات أجمل حكايه ][][§§®~](https://2img.net/s/t/13/98/76/i_logo.gif){kind=logo}
من طرف اسير العيون الثلاثاء أغسطس 05, 2008 11:06 amياشمس قومى روحى
اغنية مصرية
من تاليفى
اهديها الى منتداكم الكريم
لسه كاتبها اليوم
ياشمس قومى روحى ***خلينى اعطر مطرحى
وافتح شبابيك الهوى
ده الليلة جى من السفر****ابو طلعة اجمل م القمر
ومعاه هيحلو السهر****ونطفى نار الشوق سوى
بشوق وحنين مستنيا **يهل عليا **وييجيى يزورنى
بيقول ظروف صعبة شويا **ومش باديا** حبيبى اعذرنى
والليلة جى وواعدنى****يسهر معايا ويسعدنى
لكن انتى نورك بيكدنى
ياشمس يلاه وبلاش لاكاعة ***ميعاد حبيبى فضله ساعة
ااقبله هنا ؟ ولاهنا ؟ولما اقابله ااقوله ايه
اقوله بيك نلت الهنا ولاالومه واعتب عليه
خايفة عيونى تفضح هوايا **وشوقى ليه يعمل حكاية
وبدال ماسلم احضن ايديه
اصله مواعدين من جمعتين***ياشمس مدى الخطوتين
خلينى آئيد الشمعتين
وافرش له قلبى اللى انكوى
ياشمس قومى روحى ***خلينى اعطر مطرحى
وافتح شبابيك الهوى
اتمنى ان تنال اعجبكم
الحقوق محفوظة
لحسين الشاعر
مع خالص تحياتى
